الصفحة الرئيسية

محرك البحث

أعـــمــدة

أهم الاخبار

تسجيل الدخول

القائمة البريدية

الاحصائية

جريدة المواطن » الأخبار » اخيرة

خارج نطاق الخدمة
بتاريخ : الإثنين 17-05-2010 07:04 مساء

العائلــة العراقيــــة.. والمطــــر..! بمناسبة انتهاء موسم المطر.. وحلول الصيف بحرارته (المنعشة) وحره الخلاب..! احببت ان اذكر العائلة العراقية بأيام المطر على ان يكونوا من عواده في الموسم المقبل ان شاء الله..!  والتعريف العلمي للمطر : وهو ماء متساقط من السماء... والتعريف التحشيشي للمطر : وهو مي ماندري وين جان ومنين جاء (يعني دايح وصاحبته غيمة)!! وشي اكيد المطر يمثل حالة لكل واحد بالعائلة العراقية واليكم الشرح بالتفصيل... * اولاً: الجد : طبعاً الجد او(الجدو) اول مايشوفها تمطر الدنيا ايكَول الحمد لله على هاي النعمة واهم شي ياربي رضاك عني واريدك تستر عليه وعلى عائلتي وعلى احفادي ( يعني بس تمطر يدك اليتيمة لرب العالمين) وطبعا هو ماعنده شغله وعمله بس يدعي لانه هو اكيد اتلاكَي متقاعد لو عسكري قديم لو من جماعة الدوائر المنحلة..! * ثانيا الاب: اول ما تمطر الدنيا يكول: لك شلون حظ اكَشر هستوني غاسل السيارة وهسه كلها تتدمر طين ويظل 24 ساعة يم الجامة يتاني المطرة تخلص.. واكو نوع يظل يلطم باجر الدنيا اطيان والكوسترات اتصير النفر بـ1000 ونوع من المقاولين يكول: لك راح ينهجم بيتي 50 طن اسمنت راحت (..... بالشط..!) * ثالثا الام: اول ما تشوف الدينا تمطر تكول: يااااااا عزه العزاني الهدوم مغسولة وناشرتها بالسطح وهسه كلها تدمرت شلون مصيبة هاي.. لو اتصيح ابنها (لك حمووووووودي عزه بعينك حمودي) لك طبب الغراض والخبز اليابس جوه هسه كله اتنكَع ..!!!! * رابعاً البنت 17-23 سنة: يااااااااا حرامات مشسوره شعري واميشته كله.. واتلاكَيها لابسه عدسات اتونز ماروني على تنورة رصاصية جرس وحاطة مسكارة (xxl) وحاطة حمرة رقم 45 وحاطة ظل رقم 21 سمائي فاتح ولابسة جزمة (مال اطفائيين) وتتمختر وطبعاً اتصير بقمة التعاسة والكأبة لان الشياكة كلها راحت يعني اهون عليها لو يموت ابوها لو يخطفوه احسن ما تمطر..! * خامساً البنت 20-25 سنة : اهووووووووووو هاي ثاني مره احط جل ويخرب شعري يعني على حظي اليوم لمن عندي موعد مطرت الدنية.. وحذائي ابو البوز راح يدمر وبنطروني الكاكي (ياعيني عل كاكي) اتوسخ وحرامات مغيمة الدنيا ردت البس مناظري الرئاسية واحط سماعه البلوتوث بس حرامات راح تخرب من المطر.. اوووووووووي شلون حظ محلو.. وشلون جو سخيف هذا..!! * وهاي خارج الموضوع لحد يقراها.. الامريكان : لمن تمطر الدنيا يربطوها بالارهاب وتنظيم القاعدة والاحتباس الحراري
مرات القراءة: 290 - التعليقات: 0		شارك بالموضوع على الفيس بوك

المشاركة السابقة : المشاركة التالية

إضافة تعليق سريع

كاتب المشاركة : الموضوع : النص : *   طول النص يجب ان يكون أقل من : 30000 حرف إختبار الطول تبقى لك :

تصويت

أبــــواب

إقرأ أيضاً

زوار الموقع